XI Turkiy dunyo hujjatli filmlar festivalida qirg‘izistonlik kinorejissyor Sodiq Sherniyoz yuksak mukofot bilan taqdirlandi

Turkiyada bo‘lib o‘tgan XI Turkiy dunyo hujjatli filmlar festivalida taniqli qirg‘iz rejissyori va ssenaristi Sodiq Sherniyoz turkiy dunyo kinematografiyasi rivojiga qo‘shgan salmoqli hissasi uchun nufuzli mukofotga loyiq ko‘rildi.

Qirg‘iziston Respublikasining Ankaradagi elchixonasi matbuot xizmati bergan ma’lumotga ko‘ra, turkiy xalqlarning boy madaniy merosini asrab-avaylash hamda keng targ‘ib etish maqsadida tashkil etilgan ushbu xalqaro festivalning yopilish va g‘oliblarni taqdirlash marosimi 9-oktabr kuni bo‘lib o‘tdi.

Hakamlar hay’atining yakuniy xulosasiga ko‘ra, 21 nafar ijodkor mukofotlangan tantanali marosimda Qirg‘iziston Respublikasining taniqli rejissyori va taniqli jamoat arbobi Sodiq Sherniyozga ham yuksak ehtirom ko‘rsatildi.

Rasmiy xabarda ta’kidlanishicha, ushbu yuksak mukofot Sodiq Sherniyozga “Turkiy dunyo kinosini rivojlantirishdagi ulkan xizmatlari, mushtarak madaniy va ma’naviy qadriyatlarni xalqaro maydonda keng targ‘ib etish hamda kino san’ati vositasida qardosh xalqlarimiz o‘rtasidagi do‘stlik va hamjihatlik rishtalarini mustahkamlashdagi faol o‘rni va munosib hissasi” uchun tantanali ravishda topshirildi.

Media galereyasi

(1)