XI түркі әлемі деректі фильмдер фестивалінде қырғыз режиссері Садық Шернияз марапатталды

Түркияда өткен XI түркі әлемі деректі фильмдер фестивалінде қырғыз режиссері әрі сценарисі Садық Шернияз түркі әлемі кинематографиясына қосқан үлесі үшін арнайы марапатқа ие болды.

Қырғызстанның Түркиядағы (Анкарадағы) Елшілігінің мәліметінше, түркі халықтарының мәдени мұрасын сақтау және дәріптеу мақсатында ұйымдастырылған фестивальдің жабылу және марапаттау рәсімі 9 қазанда өтті.

Қазылар алқасының шешімімен 21 тұлға марапатталған салтанатты кеште қазақтың бауыры, белгілі қырғыз режиссері, сценарисі әрі қоғам қайраткері Садық Шернияз да құрметке бөленді.

Шерниязға бұл марапат «Түркі әлемі киноөнерінің дамуына қосқан елеулі үлесі, ортақ мәдени құндылықтарды таныстыру және кино өнері арқылы халықаралық байланыстарды нығайтудағы рөлі» үшін табысталғаны хабарланды.

Медиа галереясы

(1)