KKTC-nin xarici işlər naziri Tahsin Ertuğruloğlu TÜRKSOY-u ziyarət edib
Şimali Kipr Türk Cümhuriyyətinin (KKTC) xarici işlər naziri Tahsin Ertuğruloğlu 30 oktyabr 2026-cı il tarixində Beynəlxalq Türk Mədəniyyəti Təşkilatı TÜRKSOY-un Baş katibliyini ziyarət edərək Baş katib Sultan Raevlə görüşüb.
Görüşdə TÜRKSOY ilə KKTC arasında mədəni əməkdaşlıq və Kipr Türk mədəniyyətinin Türk Dünyasında tanıdılmasına yönəlmiş fəaliyyətlər müzakirə olunub.
TÜRKSOY-un son illərdə həyata keçirdiyi fəaliyyətləri rəğbətlə izlədiyini bildirən nazir Tahsin Ertuğruloğlu Türk Dünyasının mədəni inteqrasiyasına yönəlmiş işlərinə görə Baş katib Sultan Raevə təşəkkür edib.
Baş katib Sultan Raev isə KKTC-nin TÜRKSOY-un fəaliyyətində mühüm yer tutduğuna diqqət çəkərək, Kipr Türk xalqının zəngin mədəni irsinin tanıdılması və ortaq mədəni bağların möhkəmləndirilməsi istiqamətində əməkdaşlığın davam etdiriləcəyini bildirib.
Media Qalereyası
(8)
