― 5 октября 2024 г.

VII Turkiy Dunyo Ayollar va Moda Haftasi doirasida “Turkiy Dunyo Qo‘l San’atlari Ko‘rgazmasi va Ustaxona Mashg‘ulotlari” Izmirda bo‘lib o‘tdi

Turkiya Respublikasi Izmir viloyati hokimligi homiyligida, Milliy Ta’lim Vazirligi Hayot davomida o‘qitish bosh boshqarmasiga qarashli Izmir Olgunlashma Instituti mezbonligida, TIKA hamkorligida va Xalqaro Turk Madaniyati Tashkiloti (TÜRKSOY) tomonidan 2024-yil 5-oktabrda VII Turkiy Dunyo Ayollar va Moda Haftasi doirasida Turkiy Dunyo Qo‘l San’atlari Ko‘rgazmasi va ustaxona mashg‘ulotlari o‘tkazildi. Ushbu tadbir Izmir Karshiyaka tumanida joylashgan, tarixiy qasr hisoblangan Izmir Olgunlashma Instituti Madaniyat va San’at Markazida tashkil etildi.

Tadbirning maqsadi

Mazkur tadbirning asosiy maqsadi turkiy tillarda so‘zlashuvchi xalqlarning umumiy madaniyati va nozik san’atlarini moda orqali aniqlash, ushbu san’atni o‘z mamlakatlarida va butun dunyoda tanitishdir. Shuningdek, me’morchilikdan miniatyuraga, gilamdan to‘qimachilikka va kiyim-kechakka qadar estetikaga asoslangan boy sivilizatsiyamizni turli yo‘nalishlarda o‘rganish va dunyoga tanitishdan iboratdir.

Tadbir ochilish marosimi

Tadbirning ochilish marosimini Izmir Konak tumani Milliy Ta’lim boshqarmasi rahbari Metin Ender Karabuluk va TÜRKSOY bosh kotibi nomidan Madaniyat va San’at boshqarmasi direktori Arman Nurmaxamatuli amalga oshirdi.

Qo‘l san’atlari ko‘rgazmasi va ustaxona mashg‘ulotlari

Turkiy Dunyo qo‘l san’atlari ko‘rgazmasi tomoshabinlar qalbini zabt etdi. VII Turkiy Dunyo Ayollar va Moda Haftasi doirasida tashkil etilgan ushbu qo‘l san’atlari ko‘rgazmasida dizaynerlarning asarlari katta qiziqish va maqtovga sazovor bo‘ldi.

Ustaxona mashg‘ulotlari esa Izmir Olgunlashma Instituti o‘qituvchilari va usta o‘qituvchilari hamda Turkiy Dunyo dizaynerlari o‘rtasida madaniy almashuv va bilimlar bo‘yicha tajriba ulashish imkoniyatini yaratdi.