― 27 апреля 2025 г.
TÜRKSOY Bosh kotibi Sultan Raev forum ochilishidagi nutqida shunday dedi:
“To‘rtinchi jihat sifatida, TÜRKSOYning institutsional salohiyatini mustahkamlash va faoliyatimiz sifatini yanada oshirish maqsadida madaniyat va san’at sohalarida ixtisoslashgan professional kengashlar va ittifoqlar tashkil etdik. Ushbu kengashlar orqali teatr, musiqa, muzeychilik, adabiyot kabi ko‘plab yo‘nalishlarda yangi loyihalar va hamkorliklarning yuzaga kelishiga zamin yaratmoqdamiz. Bugungi uchrashuvimizdan foydalanib, sizlarni ham ushbu jarayonga hissa qo‘shishga yana bir bor chorlayman.”
Sultan Raev, shuningdek, O‘zbekistonni Alisher Navoiydan Imom Moturudiygacha bo‘lgan ulug‘ siymolari orqali turk-islom sivilizatsiyasining markazlaridan biri sifatida eslab, bu bebaho merosni kelajak avlodlarga yetkazish hammamiz uchun umumiy mas’uliyat ekanini ta’kidladi.
Nutqining yakunida Bosh kotib Sultan Raev mashhur qozog‘istonlik shoir Ulug‘bek Esdevletovning misralariga murojaat qildi:
“Turk bayrog‘i osmonlarda hilpirab turgan ekan, biz hech qachon dushman oldida tiz cho‘kmaymiz. Biz turklarning farzandlarimiz, biz turklarning farzandlarimiz, biz turklarning farzandlarimiz.”
II-Turk Dunyo Madaniyat Forumi yuqori darajada o‘tkazildi
II-Turk dunyosi madaniyat forumi ochilish sessiyasida quyidagi nufuzli shaxslar ishtirok etdi:
Turkiya – Chanakkale Onsekiz Mart universiteti rektori professor Cüneyt Erenoğlu,
Turkiya – Ege universiteti rektori professor Necdet Budak,
Turkiya – Ankara Musiqa va tasviriy san’at universiteti rektori professor Erhan Özden,
Turkiya – Madaniyat va turizm vazirligi Mualliflik huquqlari boshqarmasi bosh direktori Erkin Yılmaz,
Turkiya – MESAM (Turk Musiqa asarlar egalarining jamiyati) rais o‘rinbosari Selim Çaldıran,
Qozog‘iston – Temirbek Jurgenov nomidagi Qozog‘iston milliy san’at akademiyasi rektori professor Arman Jüdebäyev,
O‘zbekiston – Alisher Navoiy nomidagi Davlat adabiyot muzeyi direktori professor Jabbor Eshonqulov,
Ozarbayjon – Ozarbayjon Mug‘om markazi direktori professor Sahib Pashazade,
Koreya Respublikasi – Yevrosiyo tadqiqotlari instituti direktori doktor Eunkyung Oh,
Qirg‘iziston – Manas akademiyasi prezidenti Aziz Biimyrza Uulu,
Rossiya Federatsiyasi – Tatariston Tatar madaniy jamg‘armasi direktori dotsent doktor Rifat Fattaxov.
Forum dasturi doirasida ishtirokchilar kun davomida tashkil etilgan sessiyalarda o‘z ma’ruzalari bilan qatnashdilar. Ushbu sessiyalarda zamonaviy dunyoda Turk davlatlarining madaniyat va san’at sohalaridagi umumiy tamoyillari, madaniy merosni raqamlashtirish kabi dolzarb mavzular muhokama qilindi. Forum davomida Turk dunyosidan keng ko‘lamda ishtirok ta’minlandi.
Bundan tashqari, turli davlatlardan kelgan mutaxassislar tomonidan mahorat darslari o‘tkazildi, shuningdek, xalqaro tashkilotlar va universitetlar o‘rtasida hamkorlik protokollari va anglashuv memorandumlari imzolandi.
