― 29 апреля 2025 г.

Sulton Raevning ta’ziya maktubi e’lon qilindi

Ta’ziya maktubi

Turk dunyosining ilm-fan va madaniyat hayotida o‘ziga xos o‘ringa ega bo‘lgan, Qozog‘iston Milliy Fanlar Akademiyasining akademik a’zosi, adabiyot va folklorshunoslik sohasida xalqaro obro‘ga ega olim, filologiya fanlari doktori, Qozog‘iston xalq madaniyatining tirik xotirasi bo‘lgan professor Seyit Asqaruli Qasqabasovning vafoti haqida chuqur qayg‘u bilan xabar topdik.

Seyit Qasqabasov ustozimiz butun umrini qozog‘ xalq og‘zaki ijodi, folklori va so‘zli madaniyat merosining teran qatlamlarini o‘rganishga bag‘ishlagan, ushbu qadimiy qadriyatlarni nafaqat ilmiy asosda, balki yurakning tili bilan sharhlay olgan noyob siymolardan edi. “Qozog‘ xalq prozasi”, “Abay va folklor”, “Zolotaya Jıla”, “Janazık” kabi qimmatli asarlari orqali u nafaqat Qozog‘istonda, balki butun Turk dunyosida ilm-ma’rifat yo‘lini yoritib berdi.

Milliy ongni baralla aytish, yozish va ilmiy asoslangan tadqiqotlarni chop etish man qilingan zamonlardan boshlab, xalqni mustaqil Qozog‘iston bayrog‘i ostidagi davrlargacha yetaklab kelgan bu buyuk olim, o‘z asarlari va yetishtirgan shogirdlari bilan tarixda munosib o‘rin egalladi. Uning aziz xotirasi oldida bosh egaman.

Yetishtirgan shogirdlari, yozgan asarlari va qoldirgan ilmiy merosi — ustozning boqiyligini kafolatlovchi eng kuchli asoslardandir.

Uning vafoti — faqat Qozog‘istonning emas, balki butun Turk dunyosining qalbiga urilgan bir og‘riq, yo‘qotilgan ulkan ma’naviy boylikdir.

Marhumning qayg‘udagi oilasiga, hamkasblariga, shogirdlariga va butun ilm-ma’rifat ahli vakillariga chuqur ta’ziya izhor etamiz; bu og‘ir yo‘qotishni yurakdan baham ko‘ramiz.

Ruhlari shod, joylari jannatdan bo‘lsin.

Hurmat va rahmat bilan,

Sulton RAEV
TÜRKSOY Bosh kotibi