― 16 июня 2025 г.

Aqtau’da TURKSOY Opera kunlari bo‘lib o‘tdi

“2025 Turk dunyosi madaniyat poytaxti – Aqtau” yili doirasida 15-iyun kuni TURKSOY Opera kunlari doirasida Turk dunyosining umumiy san’at merosini birlashtirgan yuksak darajadagi opera kechasi tashkil etildi. Tadbir cheksiz ohanglar va umumiy tuyg‘ular orqali tomoshabinlarni san’at bilan birlashtirishni maqsad qildi.

Xalqaro Turk madaniyati tashkiloti (TURKSOY) Bosh kotibi Sultan Raev o‘z tabrigida shunday dedi:

“Turk dunyosining musiqasi faqat ohanglardan emas, balki asrlar davomida shakllangan umumiy ruhdan quvvat oladi. Aqtau’da o‘tkazilgan ushbu mazmunli uchrashuv yuksak san’at orqali mushtarak madaniyatimiz qudratini namoyon etdi. Sahnaga chiqqan barcha san’atkorlarga minnatdorchilik bildiraman.”

Konsert dasturida Kurmang‘ozi nomidagi Qozog‘iston milliy xalq cholg‘ulari orkestri bosh dirijori Abilay Tilepbergenov, Qozog‘iston milliy san’at universiteti dotsenti Erbolat Ahmedyarov, Abil Tarakuly nomidagi xalq cholg‘ulari orkestri badiiy rahbari Rahat Madreyev hamda Turkiya, O‘zbekiston, Qirg‘iziston va Qozog‘istonning turli hududlaridan opera ijrochilari ishtirok etdi. Barcha asarlar Abil Tarakuly nomidagi orkestr jo‘rligida jonli ijro etildi.

Mang‘istov viloyati madaniyat, til va arxiv ishlari boshqarmasi rahbari Nurtas Sali kechani yuqori baholab, barcha san’atkorlarga minnatdorlik bildirdi.

“Opera musiqaning eng yuksak ifoda shakllaridan biri bo‘lib, bugungi kecha Aqtau’nng Turk dunyosi madaniyat poytaxti sifatidagi nufuzini yanada oshirdi,” — dedi u.

Konsert yakunida sahnaga chiqqan san’atkorlarga esdalik sovg‘alari va maxsus mukofotlar topshirildi.