― 11 октября 2024 г.

Sultan Raýew Aşgabat şäherinde Magtymguly Pyraga bagyşlanan halkara foruma gatnaşdy

TÜRKSOÝ-yň Baş sekretary Sultan Raýew, Magtymguly Pyragynyň doglan gününiň 300 ýyllygyna bagyşlanan Aşgabat şäherinde "Döwürleriň we siwilizasiýalaryň özara arabaglanyşygy – parahatçylygyň we ösüşiň binýady» atly halkara forumynyň çäginde çykyş etdi.

Raýew geçirilen forumda eden çykyşynda 2024-nji ýylyň TÜRKSOÝ tarapyndan Magtymguly Pyragy ýyly diýlip yglan edilendigini we TÜRKSOÝ Hemişelik Geňeşiniň Mejlisi tarapyndan Türkmenistanyň Änew şäheriniň Türki Dünýäsiniň Medeni Paýtagty hökmünde tassyklanandygyny belläp geçdi we şu pursatdan peýdalanyp, berýän hemmetaraplaýyn goldawlary üçin Türkmenistanyň Prezidenti Çuňňur hormatlanýan Serdar Berdimuhamedowa hem-de Türkmenistanyň Halk Maslahatynyň Başlygy, Türkmen halkynyň Milli Lideri, Gahryman Arkadag Gurbanguly Berdimuhamedowa minnetdarlyk sözlerini beýan etdi. Çykyşynyň dowamynda: “Häzirki wagtda Türkmenistan Türki medeniýetiniň halkara derejesinde wagyz etmek boýunça TÜRKSOÝ bilen hyzmatdaşlygyny giňeldýär we TÜRKSOÝ-yň işini ýakyndan we uly goldaw berýändigini belläp geçesim gelýär. Umumy medeni mirasymyzy wagyz etmäge gönükdirilen çärelere goldaw berýändigimizi buýsanç bilen aýtmak isleýärin.

Mälim bolşy ýaly, umumy türki medeniýetimizi, taryhymyzy, däp-dessurlarymyzy ösdürmek, goramak we geljek nesillere geçirmek TÜRKSOÝ-yň esasy maksadydyr. Bu nukdaýnazardan TÜRKSOÝ 2024-nji ýyly "Türki dünýäsiniň beýik şahyry we akyldary Magtymguly Pyragy ýyly" diýip yglan etdi we Änew şäherini türki dünýäsiniň medeni paýtagty hökmünde belledi.

"Türkmeniň beýik şahyry we akyldary Magtymguly Pyragynyň doglan gününiň 300 ýyllygy mynasybetli guralan çäreleriň çäginde TÜRKSOÝ Türkmenistanda we daşary ýurtlarda türkmen medeniýetini we taryhyny wagyz etmekde möhüm ähmiýete eýe bolan dürli çäreleri öz içine alýan giňişleýin maksatnama durmuşa geçirýär” diýip belläp geçdi. 

Raýew: Magtymguly Pyragynyň pikirleriniň täze nesillere ylham bermegini we Türkmenistanyň halkara arenasyndaky ornuny berkitmegini dowam etdirýäris.

Sözleriniň dowamynda: “Magtymguly Pyragynyň bahasyna ýetip bolmajak mirasy diňe bir milli buýsanjyň nyşany bilen çäklenmän, eýsem Türkmenistanyň diplomatik strategiýasyny durmuşa geçirmekde möhüm gural bolup durýar. Onuň bu ajaýyp pikirleriniň täze nesillere ylham bermegini we Türkmenistanyň halkara arenasyndaky ornuny nädip güýçlendirýändigini görüp bileris. "Magtymguly Pyragynyň we Türkmenistanyň bitarap diplomatiýasynyň eserlerinde görkezilen parahatçylyk filosofiýasy ýurduň medeni we syýasy aýratynlygynyň iki möhüm elementini emele getirýär" sözleri bilen TÜRKSOÝ-yň Türkmenistanda alyp barýan işlerini işjeň dowam etdirjekdigini belläp geçip, Magtymguly Pyragy we 2024-nji ýyldaky Türk idünýäsiniň medeni paýtagty Änew şäheri babatyndaky alnyp baryljak çäreleri hut öz gözegçiliginde saklajakdygyny belledi.