― 11 августа 2025 г.

ТҮРКСОЙ Бас хатшысы Сұлтан Раевтың Д. Мехмет Доғанды еске алуға арналған жолдауы

Түркия Жазушылар одағының негізін қалаушы және құрметті басшысы, жазушы, ақын, ойшыл, зияткерлік әлеміміздің ерекше тұлғасы, марқұм Д.Мехмет Доғанның бір жыл бұрын дүниеден өткеніне тоқталған  ТҮРКСОЙ Бас хатшысы Сұлтан Раев төмендегідей жолдау жариялады.

«Түркі әлемінің интеллектуалдық және әдеби өміріне өлшеусіз үлес қосқан шебер жазушы, Түркия Жазушылар одағының негізін қалаушысы Д.Мехмет Доғанды рахыммен және рақметпен еске аламын.

Мехмет Доған өмірін түрік тіліне, әдебиетіне және мәдениетіне қызмет етуге арнады; шығармалары, идеялары, өзі өсірген ұрпақтары арқылы мәңгілік із қалдырды. Оның күш-жігері Түркияда ғана емес, күллі түркі әлемінде резонанс тудырып, ортақ мәдени мұрамыздың нығаюына үлес қосты.

Оның есімі мен идеясы біздің жүрегімізде сақталады, ал қалдырған шабытты мұрасы келешек ұрпақты нұрландырады».

Сұлтан РАЕВ

ТҮРКСОЙ Бас хатшысы