― 9 февраля 2026 г.

ТҮРКСОЙ Бас хатшысы Сұлтан Раев Өзбекстан БАҚ-ына сұхбат берді

ТҮРКСОЙ Бас хатшысы Сұлтан Раев Өзбекстанға сапары аясында Өзбекстан Республикасы Мәдениет министрлігінің  «Guliston» және «Teatr» журналдарының Бірлескен редакциялық алқасына арнайы сұхбат берді.

Сұхбат барысында әдебиет, Өзбекстан мен ТҮРКСОЙ арасындағы ынтымақтастық, «Әндіжан – 2026 түркі әлемінің мәдени астанасы» аясында өткізілетін іс-шаралар, сондай-ақ Өзбекстанда мәдениет және өнер саласын дамыту бағытында атқарылып жатқан маңызды қадамдар мен жүзеге асырылып отырған жобалар сөз болды.

Аталған сұхбат «Guliston» және «Teatr» журналдарының Бірлескен редакциялық алқасының YouTube арнасы мен әлеуметтік желідегі ресми парақшаларында жарияланбақ.