― 5 декабря 2025 г.

«Түркі әлемі Балқан түріктерін қолдау және ынтымақтастық» қауымдастығы ТҮРКСОЙ-ға зиярат етті

«Түркі әлемі Балқан түріктерін қолдау және ынтымақтастық» қауымдастығының төрағасы Айгүн Илко, төраға орынбасары Недим Вардар, Әйелдер кеңесінің төрайымы Гүлістан Шерефлер, бас хатшы Әли Юртсевен және басқарма мүшесі Мелих Байрам Илко ТҮРКСОЙ Бас хатшысының орынбасары Сайит Юсуфқа ресми сапармен барды.

Кездесу барысында қауымдастықтың Түркі дүниесі мен Балқан аймағындағы шаралары мен жоспарлары жөнінде кеңейтілген таныстырылым жасалды. Қауымдастық төрағасы Айгүн Илко ел ішінде және шетелде атқарылып жатқан жұмыстар туралы баяндап, ұйымның желтоқсан айындағы іс-шаралар бағдарламасына енген «ЮНЕСКО-ның 15 желтоқсан – Түркі тілдері күні» және «21 желтоқсан – Солтүстік Македониядағы түрік тілінде білім беру күні» мерекелік шараларына шақырды.

Келіссөздер барысында ТҮРКСОЙ Бас хатшысының орынбасары Сайит Юсуфтың пікірлері мен ұсыныстары қауымдастық өкілдері тарапынан ерекше ықыласпен тыңдалды.

Сапар соңында түркі әлеміне арналған еңбегі мен жанашыр қызметі үшін қауымдастық басқармасы Сайит Юсуфқа «Түркі әлемінің жанашыры» атты құрмет тақтасы табыс етілді.