― 10 июня 2025 г.

Шыңғыс Айтматовтың өмірден өткеніне 17 жыл толуына орай жазушының мазарына зиярат етіліп, гүл шоқтары қойылды

Түркі әлемінің ұлы жазушыларының бірі, қырғыз әдебиетінің ерекше тұлғасы Шыңғыс Айтматовтың дүниеден өткеніне 17 жыл толуына орай туған жеріндегі бейітінің басына барып, Құран бағышталды.

Қырғыз Республикасының астанасы Бішкек қаласының іргесіндегі «Ата-Бейіт» ұлттық тарихи-мемориалдық кешенінде өткен еске алу бағдарламасы «Шыңғыс Айтматов – түркі әлемінің болашағы» форумы аясында Бішкек қаласында жазушының отбасы, әріптестері, жақындары мен арнайы делегациясының қатысуымен өтті.

Еске алу рәсіміне Қырғыз Республикасының Мемлекеттік хатшысы Марат Иманқұлов, ТҮРКСОЙ Бас хатшысы Сұлтан Раев, Шыңғыс Айтматов институтының президенті және Түркиядан арнайы келген Ильяс Топсакал, Өзбекстан заң шығарушы ассамблеясының депутаты және БҰҰ Адам құқықтары комитетінің мүшесі Акмал Саидов, Қазақстан Жазушылар одағының төрағасы Мереке Құлкенов, Солтүстік Македония Визия университетінің ректоры Ахмет Вежди Джан, ТҮРКСОЙ Бас хатшысының орынбасары Сайит Юсуф және суретші доктор Сакит Мамедов қатысты.

Қатысушылар 1938 жылы репрессия құрбандары, 138 зиялы қауымның бейітіне Құран бағыштап, сол кездегі Индустрия және сауда министрі, Шыңғыс Айтматовтың әкесі Төреқұл Айтматовтың да бейітіне гүл шоқтарын қойды. Сонымен қатар, қырғыз халқының 1916 жылғы патшалық Ресейге қарсылығын білдіретін «Үлкен қарсылық» дегенді білдіретін «Үркүн» ескерткішіне гүл шоқтары қойылды.

Еске алу рәсімі Шыңғыс Айтматовтың бейіті басына Құран оқып, дұға бағыштаумен аяқталды.