― 9 июня 2025 г.

Қырғыз Республикасы Жогорку Кенешінің төрағасы ТҮРКСОЙ мен Шыңғыс Айтматов атындағы институт делегациясын қабылдады

Қырғызстанның астанасы Бішкекте өтетін «Шыңғыс Айтматов – түркі дүниесінің болашағы» форумы алдында форумға қатысатын жоғары деңгейлі делегацияны Қырғыз Республикасы Жогорку Кенешінің төрағасы Нурланбек Тургунбек уулу қабылдады.

ТҮРКСОЙ мен Шыңғыс Айтматов атындағы институттың бірлесіп ұйымдастыруымен өтетін форумға қатысушылар құрамында:

• Шыңғыс Айтматов институтының төрағасы, Түркия Республикасы Самсун қаласының депутаты Ілияс Топсакал,
• ТҮРКСОЙ Бас хатшысы Сұлтан Раев,
• Өзбекстан Республикасы Заң шығару палатасының депутаты, БҰҰ Адам құқықтары комитетінің мүшесі Акмал Саидов,
• Әзербайжанның халық суретшісі Сакит Маммадов болды.

Форум Қырғыз Республикасы Мәдениет, спорт және жастар саясаты министрлігінің, сондай-ақ TİKA, YTB және Юнус Емре институтының қолдауымен ұйымдастырылып отыр.

Басқосуда түркі дүниесінің ортақ мәдени мұрасын сақтау, Шыңғыс Айтматовтың идеялық мұрасын жас ұрпаққа жеткізу, осы бағыттағы нақты ынтымақтастық қадамдары жөнінде пікір алмасылды.