― 18 октября 2024 г.

Бас хатшы Раев Түрікменстан баспасөзіне сұхбат берді

Түрікменстан газетінің тілшісі Айгүл Рагимова ТҮРКСОЙ бас хатшысы Сұлтан Раевтан арнайы сұхбат алды.

Раев сұхбат барысында Түрікменстанда ТҮРКСОЙ ұйымдастырған және жоспарланған іс-шаралар, Түркі әлемі мәдени астанасы Аневтің қызметі жайлы айтып, Түрікменстан президенті Сердар Бердімұхамедовке ТҮРКСОЙ іс-шараларына ерекше назар аударғаны  үшін алғыс білдірді. «ТҮРКСОЙ Түрікменстанда қандай іс-шаралар өткізуді жоспарлап отыр?» деген сұраққа бас хатшы былай деп жауап берді: «ТҮРКСОЙ – 1993 жылы бес тәуелсіз түркі республикасы бірлесіп құрған мәдени және өркениеттік ұйым. Біздің міндетіміз – түркі әлемінің ортақ мәдениеті мен өркениетін насихаттау және сақтап қалу. ТҮРКСОЙ ұйымы осы мақсаттарға сай жұмыс істейді. Махтумкулу Фираки түрікмен болмысымен қатар түркі әлемінің ортақ мұрасының бір бөлігі.ТҮРКСОЙ мәдени және өркениеттік қызметімен түркі әлемінің барлық жерінде болады. Мен де әдебиетші, жазушы және драматургпін. Түрікмен әдебиетінің айтулы туындылары Анкара қаласында аударылып, басылып, түркі әлемі жазушыларының елеулі шығармалары түрікмен тіліне аударылып, Түрікменстанда сахналанып, оқылса екен деп тілеймін. Осылайша біз ортақ мәдениетімізді тереңірек түсінеміз деп ойлаймын. Түрікмендер ұлы музыканттарды, суретшілерді, театр қайраткерлерін жасап шығарды. Оларды түркі әлемінің басқа елдерінде таныту – ТҮРКСОЙ ұйымының міндеттерінің бірі. Театр және музыка ұжымдары өзара сапар арқылы өнер сүйер қауымға түрікмен өнерін көрсетуі керек. 

Анкара қаласында ұйымдастырылған шарада түрікмен өнерпаздары сахнаға шықты. Олар Анкара өнер сүйер қауымына ұзақ уақыт естен кетпес музыкалық мереке сыйлады. Мұндай шаралар, әрине, көбейе бермек. Түрікмен ғалымдарының қатысуымен өтетін конференциялар мен симпозиумдар, түрікмен режиссерлері мен сценаристерінің қатысуымен өтетін кинофестивальдер, түрікмен суретшілерінің қатысуымен өтетін халықаралық сурет көрмелері бірте-бірте көбейеді.

ТҮРКСОЙ Бас хатшысы ретінде Түрікменстан бойынша жұмысты жеке бақылайтыныма сенімдімін», - деп атап өткен Сұлтан Раев Түрікменстанның ТҮРКСОЙ-мен бірлесе жұмыс істеп жатқанына өте қуанышты екенін жеткізді.