― 19 июня 2025 г.

Алматыда XXVI ТҮРКСОЙ Опера күндері гала-концерті өтті

Алматыдағы Абай атындағы Қазақ Ұлттық опера және балет театрында ТҮРКСОЙ-дың ұйымдастыруымен XXVI ТҮРКСОЙ Опера күндері гала-концерті өтті.

Шара түркі әлемі елдерінің мәдени ынтымақтастығын нығайтуға және өнер арқылы мәдени байланыстарды ұштастыруға бағытталған.

Гала-концертке Қазақстан, Түркия, Өзбекстан және Қырғызстанның белгілі опера әртістері қатысты. Бағдарламада Абай атындағы Қазақ ұлттық опера және балет театрының симфониялық оркестрі мен академиялық хоры сахнаға шықты. Әртістер ұлттық және әмбебап классикалық шығармалардан таңдалған арияларды сәтті орындап, көрермендерге ұмытылмас түн сыйлады.

Концертте белгілі қазақстандық әртістер Ерболат Ахмедияров пен Қуаныш Исмаилов Қырғыз ұлттық академиялық опера және балет театрының бас дирижері Захар Бутенкомен бірге оркестр дирижері рөлдерін атқарды. Бағдарлама қазақстандық композитор Евгений Брусиловскийдің «Қыз Жібек» операсынан таңдалған бөліммен ашылды.

Шара аясында театр фойесінде түркі әлемі елдерінің опера және балет театрларын таныстыратын тұсаукесерлер де ұйымдастырылды.

ТҮРКСОЙ Бас хатшысы Сұлтан Раев өзінің құттықтауында келесі мәлімдемелерге тоқталды:

«Өнер – шекарадан асатын әмбебап тіл; ол біздің халықтарымыз арасында орнатылған жүрек көпірінің ең берік тіректерінің бірі. Түркі әлемінің әр түрлі географиясынан келген өнерпаздарымыздың осынау жоғары бірлігі мен көркемдік ортақтығы. Опера күндері біз үшін үлкен мақтаныш», - деді ол.

Алматыдағы концерт өнердің біріктіруші күшін айшықтайтын қуатты мәдени кездесу ретінде түркі әлемінің сахна өнері тарихында өз орнын алды.