― 24 октября 2025 г.

Айтматовтың ізімен: түркі әлемі жастары «Ата-Бейітке» зиярат етті

«ТҮРКСОЙ жастар кездесулері» аясында Бішкекте өткен «ІІ Түркі әлемі жастар форумына» қатысушы жастар 24 қазан күні таңертең ерекше әсерге толы бағдарлама өткізді. Форум шеңберінде бас қосқан жастар Қырғызстанның астанасы Бішкек маңындағы «Ата-Бейіт» мемориалдық кешеніне барды.

«Тарихтың ауыр беттері мен ортақ тағдыр»

«Ата-Бейіт» — 1935–1938 жылдары Кеңес Одағында Сталиннің «қанды диірмені» аталған қуғын-сүргін кезеңінде қаза тапқан зиялылардың құрметіне тұрғызылған ескерткіш кешен. Ол қырғыз халқының ұжымдық жадындағы ең маңызды нышандардың бірі. Түркі дүниесінің түрлі өңірлерінен келген жастар бұл мағыналы орында тарихтың ауыр беттерін еске алып, түркі халықтарының ортақ тағдыры, күресі және мәдени ынтымағы туралы ой толғауға мүмкіндік алды.

«Айтматов рухына тағзым»

Зияраттың ең әсерлі сәттерінің бірі — қырғыз әдебиетінің әлемдік деңгейдегі өкілі, түркі дүниесінің ұлы қаламгері «Шыңғыс Айтматовтың» бейітін зиярат ету болды. Жастар жазушының қабіріне қалампыр гүлдерін қойып, бір минуттық үнсіздік жариялады. «Құран оқу» және «дұға бағыштаудан» басталған бағдарлама барысында Айтматовтың өмірі, әлем әдебиетіндегі орны мен адамзатқа арналған шығармаларының түркі дүниесі мәдениетіндегі ерекше мәні туралы қатысушыларға кеңінен мәлімет берілді.

«ТҮРКСОЙ Бас хатшысының орынбасары Сайит Юсуф: «Ата-Бейіт – ортақ жадымыздың көрінісі»

Зияратқа қатысқан «ТҮРКСОЙ Бас хатшысының орынбасары Сайит Юсуф» өз сөзінде былай деді:
«Ата-Бейіт – жай ғана ескерткіш емес, ол түркі дүниесінің ортақ қасіретін, ортақ жадын және ортақ төзімділігін бейнелейді. Ал Шыңғыс Айтматовтыңосынау тарихи жадты келер ұрпаққа жеткізген ұлы мәдениет елшісі. Бүгін осында жиналған жастар – ертең осы мұраны болашаққа аманат ететіндер».

Жастар «Ата-Бейіттің» тарихи маңызы мен Айтматовтың адамзат құндылықтарын дәріптеген ойлары туралы айтылған мәліметтерді ерекше ықыласпен тыңдады. Зиярат ұжымдық естелік суретке түсумен аяқталды.