― 24 октября 2024 г.

Аданада “Корбашы” кітабының тұсауы кесілді

Ресми байланыстар аясында Аданада Халықаралық ТҮРКСОЙ түркі мәдениеті ұйымының Бас хатшысы Сұлтан Раев және Қырғыз Республикасы Президентінің Бас кеңесшісі Нышанбек Кочкоров бастаған делегация Сарычам әкімдігі басшысы Билал Улудагының қабылдауында болды.

ТҮРКСОЙ қолдауымен жарық көрген, тарихшы  Эмин Ярымұлының “Корбашы: Түркістан ұлттық тәуелсіздік қозғалысы жетекшілерінің бірі – Шир Мухаммед Бек” атты кітабының Сарычам әкімдігі  мәжіліс залында таныстырылымы өтті.  Сондай-ақ “Корбашылардың Түркістан ұлттық тәуелсіздік қозғалысындағы рөлі” тақырыбында дөңгелек үстел ұйымдастырылды.

ТҮРКСОЙ Бас Хатшысы Сұлтан Раев бастаған делегация Сарычам әкімдігі басшысы  Билал Улудагқа барып, Түркі әлеміне қатысты  жобалар туралы пікір алмасты. Кездесу барысында ТҮРКСОЙ және Аданаға қарасты Сарычам әкімдігі арасында ынтымақтастық  келісіміне  қол қою барысында мүдделі тарап ретінде Сарычам әкімдігі арқылы түркі мәдениеті мен өнерін насихаттауға байланысты жобаларды әзірлеу туралы шешім қабылданды.

Кездесу соңында Анкара және Қызрғызстаннан келген делегация Сарычам әкімдігі Түкістандық Корбашылар саябағында орналасқан Шир Мухаммед Бек ескерткішіне гүл шоқтарын қойып, Сарычам мәжіліс залындағы кітап тұсаукесері мен дөңгелек үстелге қатысты.

Іс-шара Түркістандағы тәуелсіздік үшін күрес туралы презентациялар көрсетілген дөңгелек үстелге жалғасты.