― 30 ноября 2024 г.

Өзбекстандын "Туран мектеп театры" сынагынын жеңүүчүлөрү Стамбулда

Билим саякатынын алкагында Өзбекстанда «Туран мектеп театры» сынагы өткөн. Сынактын финалдык баскычында жеңип чыккан Навои шаарынын №11 мектебинин окуучулары Эркин Вохидовдун «Рухтардын козголоңу» пьесасын Стамбулда Кадыкөй театрында сахналаштырышты. Оюнду Түркиядагы өзбек диаспорасы жана студенттер чоң кызыгуу менен көрдү. 

Окуучулар арасындагы театр сынагын жана билим саякаты программасын Эл аралык ТҮРКСОЙ Түрк маданияты уюму, Түркия Улуттук билим берүү министрлиги жана Өзбекстандын Мектепке чейинки жана мектеп  билим берүү министрлиги менен биргеликте уюштурду. 

Белгилүү өзбек акыны жана драматургу  Эркин Вахидовдун “Рухтардын козголоңу” чыгармасы  улгайган бейтап менен дарыгердин  ортосундагы чыңалган мамиле жөнүндө. Студенттер спектаклди жылуу кабыл алышты.   Кечеге Өзбекстандын Стамбулдагы башкы консулу Шерзод Абдуназаров, ТҮРКСОЙдун башкы катчысы Султан Раев жана Улуттук билим берүү министрлигинин кызматкерлери катышты.

Спектаклден соң  катышуучуларга белек тапшырылды жана баары бирге эстелик сүрөткө түштү.