― 28 февраля 2026 г.

Казакстандын ТҮРКСОЙдогу өкүлү Нышангүл Каратaева Абылхан Кастеев атындагы Мамлекеттик көркөм өнөр музейинин директору Гүлайым Жумабекова менен жолугушту

Казакстандын ТҮРКСОЙдогу өкүлү Нышангүл Каратaева Казакстан Республикасынын Абылхан Кастеев атындагы Мамлекеттик көркөм өнөр музейинин директору Гүлайым Жумабекова менен жолугушуу өткөрдү.

Жолугушуунун жүрүшүндө Г. Жумабекова музейдин тарыхы, бүгүнкү күнгө чейинки өнүгүү этаптары жана алдыдагы мезгилде ишке ашырылышы пландалган иш-чаралар тууралуу кеңири маалымат берди. Ошондой эле музей жетекчилиги ТҮРКСОЙ менен кызматташтык алкагында эл аралык деңгээлдеги көптөгөн маданий долбоорлорду ишке ашырууга ниеттүү экенин билдирди.

Өз кезегинде Н. Каратаева Казакстан Республикасынын Маданият жана маалымат министрлиги тарабынан музейге байланыштуу сунуштардын негизинде айрым маселелерге токтолуп, келечекте музейди Түркиядагы эл аралык музейлерде таанытуу мүмкүнчүлүктөрүн талкуулады.

Өз ара кызматташтыкты өнүктүрүү жана маданий байланыштарды чыңдоо максатында өткөн жолугушуунун соңунда тараптар бири-бирине эстелик китептерди белекке берип, эскерүү сүрөткө түшүштү. Жолугушуудан кийин Г. Жумабекова ТҮРКСОЙ өкүлүнө музейдин коллекциясын тааныштырып, экспонаттар тууралуу кеңири маалымат берди.