― 4 августа 2026 г.

Караманда VIII Эл аралык түрк дүйнөсүнүн фестивалы жыйынтыкталды

Караман муниципалитети менен Эл аралык түрк маданиятынын уюму ТҮРКСОЙдун биргелешкен демилгеси менен уюштурулган VIII Эл аралык түрк дүйнөсүнүн фестивалы 30-июлдан 2-августка чейин өткөн маданий иш-чаралардан кийин ийгиликтүү жыйынтыкталды.

Түрк элдеринин ортосундагы маданий байланышты чыңдоо, жалпы маданий мурастарды кийинки муундарга жеткирүү жана түрк дүйнөсүнүн баалуулуктарын эл аралык деңгээлде жайылтуу максатында өткөрүлгөн майрам төрт күн бою Түрк дүйнөсүнүн маданият паркында өттү.

Майрамдык программага Азербайжан, Казакстан, Кыргызстан, Өзбекстан жана Кабардин-Балкар Республикасынан келген ырчылар, музыканттар жана улуттук бий ансамблдери катышты.

Концерттик программада Малика Алдамжарова, Шахистахан Халматова, Музаффаржон Мирзаев, Сайкал Асаналиева жана Оксана Лобова өнөр көрсөтүштү. Ошондой эле ТҮРКСОЙдун Элдик аспаптар оркестри, «Ак Ниет», «Андижан» жана «Хабза» элдик бий жамааттары көрүүчүлөргө өз өнөрлөрүн тартуулашты.

Фестивалдын акыркы күнүндө ар кайсы өлкөлөрдөн келген бий жамааттарынын концерттик программасынан кийин Түркиянын белгилүү ырчылары Озан Манас менен Серкан Кая сахнага чыгышты. Майрамдык иш-чара фейерверк менен жыйынтыкталды.

Иш-чарага Караман шаарынын мэри Саваш Калайжы, ТҮРКСОЙдун Стратегиялык өнүктүрүү башкармалыгынын жетекчиси Мелик Өзсөз жана көп сандаган шаар тургундары катышты.