― 20 апреля 2026 г.

«1926-жылдагы Баку түркология курултайынын мурасы жана Эл аралык Түрк академиясы» аттуу программа Анкарада башталды.

Анкара социалдык илимдер университетинин уюштуруусунда жана Эл аралык Түрк академиясынын колдоосу менен өткөн «1926-жылдагы Баку түркология курултайынын мурасы жана Эл аралык Түрк академиясы» аттуу программа сүрөт көргөзмөсү, панелдик жыйын жана китеп таанытуу иш-чаралары менен ачылды. Иш-чарага ТҮРКСОЙ уюмунун Башкы катчысынын орун басары Сайит Юсуф да катышты.

Ачылыш сөзүн сүйлөгөн ректор, профессор доктор Муса Казым Арыжан түркология илиминин тарыхый тереңдигине жана эл аралык академиялык кызматташуунун маанисине токтолду.

Ал эми Кожа Ахмет Ясави атындагы Эл аралык түрк-казак университетинин Камкорчулар кеңешинин төрагасы, профессор доктор Мухиттин Шимшек өз сөзүндө орток маданий жана илимий кызматташтыкты бекемдөө зарылдыгын баса белгиледи.

Эл аралык Түрк академиясынын президенти, профессор доктор Шахин Мустафаев илимий кызматташуунун институтташтырылышынын стратегиялык маанисин белгилеп, жалпы тарых, тил жана маданиятка негизделген иштер келечекке багыт берерин айтты.

Ортоқ келечекке багытталган көз караш

ТҮРКСОЙ уюмунун Башкы катчысынын орун басары Сайит Юсуф өз сөзүндө академиялык жана маданий кызматташууну тереңдетүү орток келечекти курууда маанилүү роль ойной турганын айтып, мындай эл аралык аянтчалар айрыкча жаш муун үчүн дем берүүчү булак экенин белгиледи.

Программанын алкагында өткөн панелдик жыйында түркология илиминин тарыхый мурасы жана азыркы илимий-маданий кызматташуулар талкууланып, түрк дүйнөсүнүн келечегинде маданий кызматташуунун ролу ар тараптан каралды.