― 19 мая 2026 г.

TÜRKSOY-un Baş katibinin müavini Sayit Yusuf Bakıda TÜRKPA-nın Baş katibi Ramil Həsənlə görüşüb

Beynəlxalq Türk Mədəniyyəti Təşkilatı TÜRKSOY-un Baş katibinin müavini Sayit Yusuf Azərbaycanın paytaxtı Bakıya həyata keçirdiyi rəsmi səfər çərçivəsində Türk Dövlətləri Parlament Assambleyasının (TÜRKPA) Baş katibi Ramil Hasan ilə görüşüb.

Səmimi şəraitdə keçən görüş zamanı tərəflər qarşılıqlı xoş niyyət və arzularını ifadə ediblər. Sayit Yusuf Türk Dünyasının böyük fikir adamı Ziya Gökalpin anım ili münasibətilə təşkilatın Azərbaycanda həyata keçirməyi planlaşdırdığı mədəni və incəsənət layihələri barədə Ramil Həsənə ətraflı məlumat verib.

Görüşdə Türk Dünyasının ortaq mədəni irsini zənginləşdirəcək tədbirlər və Ziya Gökalpın əziz xatirəsinin yaşadılması məqsədilə Bakıda həyata keçiriləcək əməkdaşlıq layihələri ilə bağlı tam razılıq əldə olunub. Görüş gələcəkdə birgə həyata keçiriləcək layihələr ətrafında fikir mübadiləsi ilə başa çatıb.

Bakıda qardaş qurumlarla intensiv görüşlər

Sayit Yusuf Bakı səfəri proqramı çərçivəsində Türk Dünyasının bölgədə fəaliyyət göstərən digər mühüm nümayəndəliklərini də ziyarət edərək görüşlərini davam etdirib.

Bu çərçivədə Yunus Emre Enstitüsünün Bakı nümayəndəsi Gökhan Seyhan ilə görüşən Yusuf institutun Azərbaycandakı mədəniyyət və incəsənət fəaliyyəti barədə məlumat alıb və türk mədəniyyətinin tanıdılmasına verdikləri töhfələrə görə təşəkkürünü bildirib.

Proqramın davamında Türkiye Diyanet Vakfı Bakü Türk Lisesinin direktoru Kadir Bektaşoğlu və TRTnin Azərbaycan nümayəndəsi Murat Akkoç ilə də görüşlər keçirən Sayit Yusuf qurum təmsilçilərinə TÜRKSOY-un aktual fəaliyyəti barədə məlumat verib.

Azərbaycan Respublikasının TÜRKSOY yanında nümayəndəsi Vügar Memmedovun da iştirak etdiyi görüşlərdə TÜRKSOY və adıçəkilən qurumların həyata keçirdiyi fəaliyyətlər barədə qarşılıqlı fikir və məlumat mübadiləsi aparılıb.