― 2 апреля 2026 г.

TÜRKSOY Baş katibinin müavini Sayit Yusuf Türkiyənin Daşkənddəki səfiri Ufuk Ulutaşa nəzakət ziyarəti edib

TÜRKSOY Baş katibinin müavini Sayit Yusuf Türkiyə Respublikasının Daşkənddəki fövqəladə və səlahiyyətli səfiri Ufuk Ulutaşa nəzakət ziyarəti həyata keçirib.

Görüş zamanı, ilk növbədə Andicanın Türk Dünyasının Mədəniyyət Paytaxtı elan olunmasına dair ilkin müzakirələr, eləcə də TÜRKSOY Gənclər Görüşünün Özbəkistan mərhələsi barədə ətraflı məlumat təqdim olunub. Bununla yanaşı, TÜRKSOY çərçivəsində həyata keçirilən digər mədəni və incəsənət layihələri də müzakirə edilib.

Ziyarətdən sonra açıqlama verən Sayit Yusuf bildirib:

“Cənab səfir Ufuk Ulutaş ilə görüşməkdən böyük məmnunluq duydum. Ona Türk Dünyasının mədəniyyət paytaxtı Andican və TÜRKSOY Gənclər Görüşünün Özbəkistan mərhələsi barədə geniş məlumat təqdim etdik. Bu cür ziyarətlər ortaq mədəni irsimizin qorunması və gələcək nəsillərə ötürülməsi istiqamətində həyata keçirdiyimiz fəaliyyətlərdə əməkdaşlığımızı daha da gücləndirir. Türkiyə ilə Özbəkistan arasındakı qardaşlıq münasibətlərinin mədəniyyət və incəsənət sahəsində daha da dərinləşərək davam edəcəyinə ürəkdən inanıram.”

Səmimi şəraitdə keçən görüş xatirə şəkillərinin çəkilməsi ilə başa çatıb.