― 18 мая 2025 г.
II Türk Dünyası Strateji Araşdırmaları Konqresi Ankarada başlayıb
Türk Dünyasında strateji əməkdaşlığı sahələrinin müzakirə olunduğu II Türk Dünyası Strateji Araşdırmaları Konqresi 2025-ci il mayın 16-da Ankara Hacı Bayram Vəli Universitetinin (AHBVÜ) ev sahibliyi ilə işə başlayıb.
Türk Dünyası Yörük-Türkmən Birliyi və AHBVÜ Türkiyat Tətbiqi və Araşdırma Mərkəzinin birgə təşkilatçılığı ilə keçirilən konqres, “Türk Dövlətləri və Topluluqları Arasında Strateji Əməkdaşlıq İmkanları” mövzusuna həsr olunub. Türk Dünyasından çoxsaylı alim və mütəxəssisin qatıldığı tədbir, fikir mübadiləsi və institusional əməkdaşlıqlar baxımından əhəmiyyətli bir platforma xarakteri daşıyır.
Sayit Yusuf: “Tək millətin qurumlarını tək dövlət kimi əməkdaşlıq işlətdirəcəyik”
Konqresin açılış panelində çıxış edən TÜRKSOY-un baş katibinin müavini Sayit Yusuf, 1990-cı illərdən etibarən Türk Dünyasına yönəlik müxtəlif dövlət vəzifələrində çalışdığını xatırladaraq, bu sahəyə xidmət etməyi özü üçün bir nəsib və şərəf olaraq dəyərləndirib.
. “Uşaqlığımdan bəri Türk Dünyasına ürək vermişəm; bu gün bu sahədə çalışmaq mənim üçün böyük şərəfdir,” – deyən Yusuf, Türkiyə ilə Türk Respublikaları arasındakı münasibətlərin inkişaf prosesinə birbaşa şahidlik etdiyini bildirib.
Yusuf, 1992-ci ildən sonra institusionallaşan əməkdaşlıqların əhəmiyyətinə diqqət çəkərək bunları qeyd edib: “Mən də eyni şəkildə, dostlarımla birlikdə daha çox çalışmalı olduğumuza inanan, bu prosesin ciddi məsuliyyət və ağırlıq daşıdığını bilən, əgər belə bir fürsət varsa, bu yükün altından qalxmaq üçün əlindən gələni artıqlaması ilə etməli olduğunu düşünənlərdənəm.”
İnstitusional diplomatiyanın gücü: “Dil birliyi, əməkdaşlığın əsasını təşkil edir”
TİKA, YTB, TDT və TEEE kimi qurumların sahədə həyata keçirdiyi təsirli layihələrə toxunan Yusuf, bu qurumların birgə fəaliyyət göstərərək bütöv bir təsir gücünə çevrilməli olduğunu bildirib:
“Tək millətin təşkilati strukturlarını tək bir dövlət kimi işləyən hala gətirəcəyik. TÜRKSOY kimi ilk beynəlxalq təşkilatımızın ardınca qurulan digər qurumlarla da əməkdaşlığı daha da inkişaf etdirdik. Ortaq düşüncə və ortaq vizyonla hərəkət edərək bu strukturlar arasında strateji koordinasiyanı gücləndirməliyik.”
Yusuf, TÜRKSOY və oxşar qurumlar vasitəsilə həyata keçirilən ictimai diplomatiya fəaliyyətlərinin Türk Dünyasının beynəlxalq aləmdə tanınmasına və təsir dairəsinin genişlənməsinə töhfə verdiyini qeyd edib:
“‘Dildə, fikirdə, işdə birlik’ bizim üçün sadəcə bir diləklə ifadə olunmur; bu, eyni zamanda bir strategiyadır. Bu strategiyanın təməlini isə dil birliyi təşkil edir.” – deyə Yusuf əlavə edib və vurğulayıb ki, ortaq dil yalnız ünsiyyət vasitəsi deyil, həm də ortaq yaddaş və gələcəyin qurulmasında həlledici amildir.
Konqresdə AK Parti Başqanının müavini, Türk Dövlətləri ilə Əlaqələr üzrə Başqan və Ankara millət vəkili professor Kürşat Zorlu, AHBVÜ rektorunun müavini professor Kürşat Göktürk, YTB Başqanının müavini Murat Kazancı, TİKA Başqanının müavini doktor Mahmut Çevik, Türk Dünyası Yörük Türkmən Birliyinin Başqanı İrfan Tatlıoğlu və çoxsaylı akademik və ekspert iştirak edib.
