― 28 мая 2025 г.

"Colon Mamıtovun Yaşıl Aləm: Gənc Şairlər Müsabiqəsi"nin açılışı coşğu ilə keçirildi

Qırğızıstanın Oş şəhərində yerləşən Oş Dövlət Universitetinin Mədəniyyət Mərkəzində, 28 May 2025-ci il tarixində böyük Qırğız şairi Colon Mamıtovun anadan olmasının 85 illiyinə həsr olunmuş "Colon Mamıtov Yaşıl Aləm: Gənc Şairlər Müsabiqəsi"nin açılış mərasimi təntənəli şəkildə keçirildi.

TÜRKSOY-un təşəbbüsü ilə təşkil olunan tədbir, Qırğızıstan Mədəniyyət Nazirliyi, Oş Valiliyi, Oş Bələdiyyəsi və Oş Dövlət Universitetinin əməkdaşlığı ilə həyata keçirildi. Açılış çıxışlarını Qırğızıstan Dövlət katibi, Oş Valisi və Oş Bələdiyyə Başçısı etdi. Çıxışlarda Colon Mamıtovun Qırğız ədəbiyyatındakı əhəmiyyəti və gənc nəsillərə ilham verən irsi vurğulandı.

Tədbirdə iştirak edən TÜRKSOY-un Baş katibi Sultan Raev, çıxışında Mamıtovun yalnız Qırğız ədəbiyyatı üçün deyil, bütün Türk Dünyası üçün ortaq bir dəyər olduğunu qeyd edərək, bu kimi ədəbi tədbirlərin gənc nəsillər arasında mədəni əlaqələri gücləndirdiyini bildirdi.

Müsabiqəyə Türkiyə, Azərbaycan, Qazaxıstan, Özbəkistan, Türkmənistan və Qırğızıstandan gələn gənc şairlərlə yanaşı, Macarıstandan qonaq şairlər də qatıldı. Bu sayəndə yalnız Türk Dünyası deyil, həm də qohum və qardaş toplumlardan ədəbi bir birlik yaradıldı.

Tədbir boyu Colon Mamıtovun şeirlərindən nümunələr oxundu; onun həyatı və ədəbi irsi haqqında təqdimatlar edildi. "Yaşıl Aləm" mövzusu çərçivəsində ətraf mühitə qayğı və təbiət sevgisi ilə bağlı şeirlər gənc şairlər tərəfindən oxunaraq münsiflər heyətinə təqdim edildi.

Müsabiqənin final mərhələsi və mükafatlandırma mərasiminin gələcək günlərdə keçirilməsi planlaşdırılır. Yarışma, Türk Dünyası gəncliyinin ədəbi yaradıcılığını dəstəkləmək, ortaq mədəni dəyərləri yaşatmaq və ekoloji həssaslığı təşviq etmək məqsədini daşıyır.