― 11 декабря 2025 г.

Baş katib Raev, Türkmənistanın Daimi Neytrallığının 30-cu ildönümü çərçivəsində Aşqabadda keçirilən rəsmi tədbirlərdə iştirak edib

Türkmənistanın paytaxtı Aşqabadda 11 dekabrda təşkil olunan proqram çərçivəsində Sultan Raev yeni inşa edilmiş Neytrallıq Abidəsinin açılış mərasimində və Türkmənistanın neytrallıq dövründəki iqtisadi və sosial inkişafını əks etdirən genişmiqyaslı sərgidə iştirak edib.

Tədbir zamanı çıxış edən Sultan Raev, Türkmənistanın Daimi Neytrallığının bütün bölgə üçün sabitlik və sülhün möhkəmlənməsinə töhfə verdiyini vurğulayaraq bunları qeyd edib:
“Aşqabadda açılışını həyata keçirdiyimiz Neytrallıq Abidəsi yalnız Türkmənistan üçün deyil, bütün Türk Dünyası üçün mənəvi dəyər daşıyan güclü bir simvoldur. Neytrallıq illəri ərzində əldə olunan iqtisadi, ictimai və mədəni nailiyyətləri əks etdirən sərgi isə qardaş Türkmənistanın əhatəli inkişaf səylərini açıq şəkildə nümayiş etdirir. TÜRKSOY olaraq ortaq mirasımızın yaşadılması və Türk Dünyasının mədəni birlik və həmrəyliyinin gücləndirilməsi üçün Türkmənistanla apardığımız əməkdaşlığı qətiyyətlə davam etdirəcəyik.”

Raev, 30-cu ildönümü münasibətilə Türkmənistan xalqını təbrik edərək tədbirlərin Türk Dünyası baxımından əhəmiyyətinə diqqət çəkib.